Australia News : ਖਬਰ ਪੱਛਮੀ ਆਸਟ੍ਰੇਲੀਆ ਤੋਂ ਹੈ ਜਿੱਥੇ ਪਿਆਰ ਦੇ ਚੱਕਰ ਚ ਇੱਕ ਔਰਤ ਨੇ 7,80,000 ਆਸਟ੍ਰੇਲੀਆਈ ਡਾਲਰ ਗੁਆਂ ਦਿੱਤੇ । ਇਸ ਔਰਤ ਨੇ ਪਤੀ ਨਾਲ ਤਲਾਕ ਹੋਣ ਤੋਂ ਬਾਅਦ ਆਨਲਓਨਿ ਸਾਈਟ ਜ਼ਰੀਏ ਇੱਕ ਵਿਅਕਤੀ ਨਾਲ ਦੋਸਤੀ ਕੀਤੀ ਜਿਸਨੇ ਡੀਪਫੇਕ ਤਕਨੀਖ ਦਾ ਸਹਾਰਾ ਲੈ ਕੇ ਔਰਤ ਨੂੰ ਭਾਵਨਾਤਮਕ ਰੂਪ ਚ ਬਲੈਕਮੇਲ ਕਰਦਿਆਂ ਇਸ ਠੱਗੀ ਨੂੰ ਅੰਜਾਮ ਦਿੱਤਾ। ਫਿਲਹਾਲ ਪੁਲਿਸ ਮਾਮਲੇ ਡਦੀ ਜਾਂਚ ਚ ਜੁੱਟੀ ਹੋਈ ਹੈ। ਸਾਈਬਰ ਅਪਰਾਧੀ ਲੋਕਾਂ ਦੀਆਂ ਭਾਵਨਾਵਾਂ ਦਾ ਫਾਇਦਾ ਉਠਾਉਣ ਲਈ ਕਿਸ ਹੱਦ ਤੱਕ ਜਾ ਸਕਦੇ ਹਨ ਇਸਦੀ ਤਾਜ਼ਾ ਮਿਸਾਲ ਆਸਟ੍ਰੇਲੀਆ ਸਾਹਮਣੇ ਆਈ । ਇੱਥੇ ਪੱਛਮੀ ਆਸਟ੍ਰੇਲੀਆਂ ਦੀ ਇਕ ਔਰਤ ਨੇ ਆਨਲਾਈਨ ਸੱਚਾ ਪਿਆਰ ਲੱਭਣ ਦੀ ਕੋਸ਼ਿਸ਼ ਕਰਦੇ ਹੋਏ 7,80,000 ਆਸਟ੍ਰੇਲੀਆਈ ਡਾਲਰ (ਭਾਵ 4.30 ਕਰੋੜ ਭਾਰਤੀ ਰੁਪਏ ਤੋਂ ਵੱਧ ਦੀ ਰਕਮ ) ਗੁਆ ਦਿੱਤੇ।
ਇਹ ਵੀ ਪੜ੍ਹੋ : ਅਮਰੀਕਾ ਡਿਪੋਰਟ ਕਰ ਭਾਰਤੀਆਂ ਨੂੰ ਅੰਮ੍ਰਿਤਸਰ ਦੀ ਬਜਾਏ ਭੇਜੇਗਾ ਕੋਸਟਾਰੀਕਾ
ਦਰਅਸਲ, ਔਰਤ ਆਪਣੇ 33 ਸਾਲਾਂ ਦੇ ਵਿਆਹੁਤਾ ਜੀਵਨ ਦੇ ਟੁੱਟਣ ਤੋਂ ਬਾਅਦ ਸਦਮੇ ’ਚ ਸੀ ਅਤੇ ਇਸ ਤੋਂ ਉਭਰਨਾ ਮੁਸ਼ਕਲ ਹੋ ਰਿਹਾ ਸੀ। ਇਸ ਦੌਰਾਨ, ਇਕ ਨਵੇਂ ਸਾਥੀ ਦੀ ਭਾਲ ’ਚ, ਔਰਤ ਨੇ ਆਨਲਾਈਨ ਡੇਟਿੰਗ ਸ਼ੁਰੂ ਕੀਤੀ ਅਤੇ ਆਪਣੀ ਸਾਰੀ ਬੱਚਤ ਗੁਆ ਦਿੱਤੀ ਅਤੇ ਉਹ ਹੁਣ ਬੇਘਰ ਹੋ ਗਈ ਹੈ।ਦੱਸਿਆ ਜਾ ਰਿਹਾ ਹੈ ਕਿ 57 ਸਾਲਾ ਐਨੇਟ ਫੋਰਡ ਨੂੰ ਆਨਲਾਈਨ ਡੇਟਿੰਗ ਦੀ ਇੰਨੀ ਆਦੀ ਹੋ ਗਈ ਕਿ ਉਹ ਸਾਈਬਰ ਅਪਰਾਧੀਆਂ ਦੇ ਜਾਲ ’ਚ ਫਸ ਗਈ। ਉਹ ਵਿਲੀਅਮ ਨਾਮ ਦੇ ਇਕ ਆਦਮੀ ਨੂੰ ਆਨਲਾਈਨ ਮਿਲੀ, ਜਿਸਨੇ ਕਈ ਦਿਨਾਂ ਦੀ ਡੇਟਿੰਗ ਦੌਰਾਨ ਉਸਦਾ ਵਿਸ਼ਵਾਸ ਜਿੱਤਣ ਤੋਂ ਬਾਅਦ, ਇਕ ਦਿਨ ਉਸਨੂੰ ਦੱਸਿਆ ਕਿ ਉਹ ਤਣਾਅ ’ਚ ਸੀ ਕਿਉਂਕਿ ਉਸਦਾ ਪਰਸ ਉਨ੍ਹਾਂ ਦੇ ਕੁਆਲਾਲੰਪੁਰ ਦਫਤਰ ਦੇ ਬਾਹਰ ਇਕ ਲੜਾਈ ਦੌਰਾਨ ਚੋਰੀ ਹੋ ਗਿਆ ਸੀ। ਫਿਰ, ਹੰਝੂਆਂ ਭਰੀ ਆਵਾਜ਼ ’ਚ, ਉਸਨੇ ਐਨੇਟ ਤੋਂ 5,000 ਆਸਟ੍ਰੇਲੀਅਨ ਡਾਲਰ (2.75 ਲੱਖ ਰੁਪਏ ਤੋਂ ਵੱਧ) ਦੀ ਮਦਦ ਮੰਗੀ ਤਾਂ ਜੋ ਉਹ ਜ਼ਰੂਰੀ ਘਰੇਲੂ ਖਰਚਿਆਂ ਨੂੰ ਪੂਰਾ ਕਰ ਸਕੇ। ਹੈਰਾਨ ਕਰਨ ਵਾਲੀ ਗੱਲ ਇਹ ਹੈ ਕਿ ਐਨੇਟ, ਬਿਨਾਂ ਕੁਝ ਸੋਚੇ, ਭਾਵਨਾਵਾਂ ’ਚ ਵਹਿ ਗਈ ਅਤੇ ਵਿਲੀਅਮਜ਼ ਨੂੰ ਪੈਸੇ ਦੇ ਦਿੱਤੇ।
ਇਹ ਵੀ ਪੜ੍ਹੋ : America ਦੇ ਐਰੀਜ਼ੋਨਾ ‘ਚ ਵਾਪਰਿਆ ਦਰਦਨਾਕ ਜਹਾਜ਼ ਹਾਦਸਾ, ਹਵਾ ਵਿੱਚ ਟਕਰਾਏ ਦੋ ਛੋਟੇ ਜਹਾਜ਼, 2 ਦੀ ਮੌਤ
ਹੁਣ ਇਸ ਘੁਟਾਲੇਬਾਜ਼ ਦਾ ਹੌਸਲਾ ਹੋਰ ਵਧ ਗਿਆ। ਇਸ ਤੋਂ ਬਾਅਦ ਉਸਨੇ ਐਨੇਟ ਨੂੰ ਦੱਸਿਆ ਕਿ ਉਹ ਹਸਪਤਾਲ ’ਚ ਹੈ ਅਤੇ ਉਸਨੂੰ ਡਾਕਟਰ ਨੂੰ ਪੈਸੇ ਦੇਣੇ ਪੈਣਗੇ। ਫਿਰ ਔਰਤ ਨੇ ਪੈਸੇ ਦੇ ਦਿੱਤੇ। ਘੁਟਾਲੇਬਾਜ਼ਾਂ ਨੇ ਸੋਚਿਆ ਕਿ ਐਨੇਟ ਹੁਣ ਉਨ੍ਹਾਂ ਦੇ ਚੁੰਗਲ ’ਚ ਹੈ। ਇਸ ਤੋਂ ਬਾਅਦ, ਉਸਨੇ ਔਰਤ ਤੋਂ ਹਸਪਤਾਲ ਦੇ ਬਿੱਲਾਂ, ਹੋਟਲ ’ਚ ਠਹਿਰਨ ਅਤੇ ਸਟਾਫ ਨੂੰ ਭੁਗਤਾਨ ਕਰਨ ਦੇ ਨਾਮ ‘ਤੇ ਹੋਰ ਪੈਸੇ ਮੰਗੇ ਅਤੇ ਕਿਹਾ ਕਿ ਉਹ ਬੈਂਕ ਕਾਰਡਾਂ ਦੀ ਵਰਤੋਂ ਕਰਨ ਦੇ ਯੋਗ ਨਹੀਂ ਹੈ। ਹਾਲਾਂਕਿ, ਇੱਕ ਵਾਰ ਤਾਂ ਐਨੇਟ ਨੂੰ ਸ਼ੱਕ ਹੋ ਗਿਆ ਸੀ ਪਰ ਉਹ ਉਸਨੂੰ ਗੁਆਉਣਾ ਹੀਂ ਚਾਹੁੰਦੀ ਸੀ । ਇਕ ਰਿਪੋਰਟ ਦੇ ਅਨੁਸਾਰ, ਅਜਿਹਾ ਕਰਕੇ, ਵਿਲੀਅਮ ਨੇ ਔਰਤ ਤੋਂ 3 ਲੱਖ ਆਸਟ੍ਰੇਲੀਅਨ ਡਾਲਰ (1.65 ਕਰੋੜ ਰੁਪਏ ਤੋਂ ਵੱਧ) ਆਪਣੇ ਖਤੇ ਚਟਰਾਂਸਪਰ ਕਰਵਾ ਲਏ।
ਇਹ ਵੀ ਪੜ੍ਹੋ : ਦਿਨ-ਦਿਹਾੜੇ ਗੋਲ਼ੀਬਾਰੀ ਨਾਲ ਕੰਬਿਆ ਸਿਡਨੀ, ਚਾਰੋ ਪਾਸੇ ਅੱਗ ਦੀਆਂ ਲਪਟਾਂ
ਔਰਤ ਦਾ ਦੋਸ਼ ਹੈ ਕਿ ਉਸਨੇ ਪੁਲਸ ਸਟੇਸ਼ਨ ’ਚ ਸ਼ਿਕਾਇਤ ਵੀ ਦਰਜ ਕਰਵਾਈ ਪਰ ਕੋਈ ਜਵਾਬ ਨਹੀਂ ਮਿਿਲਆ। ਦਿਲਚਸਪ ਗੱਲ ਇਹ ਹੈ ਕਿ 2022 ’ਚ, ਐਨੇਟ ਫੇਸਬੁੱਕ ‘ਤੇ ਨੈਲਸਨ ਨਾਮ ਦੇ ਇਕ ਹੋਰ ਘੁਟਾਲੇਬਾਜ਼ ਨੂੰ ਮਿਲੀ ਅਤੇ ਔਨਲਾਈਨ ਰੋਮਾਂਸ ਦੇ ਨਾਮ ‘ਤੇ ਦੁਬਾਰਾ ਧੋਖਾਧੜੀ ਦਾ ਸ਼ਿਕਾਰ ਹੋ ਗਈ। ਨੈਲਸਨ ਨੇ ਉਸਸਮੇਂ ਤੋਂ 280,000 ਆਸਟ੍ਰੇਲੀਆਈ ਡਾਲਰ (1.54 ਕਰੋੜ ਰੁਪਏ) ਵਸੂਲ ਕੀਤੇ। ਇੱਕ ਰਿਪੋਰਟ ਦੇ ਅਨਸੁਾਰ ਸਾਲ 2023 ’ਚ ਆਸਟ੍ਰੇਲੀਆ ’ਚ 3200 ਤੋਂ ਵੱਧ ਅਜਿਹੇ ਇਸ਼ਕ ਸਕੈਂਡਲ ਸਾਹਮਣੇ ਆਏ, ਜਿਨ੍ਹਾਂ ’ਚ ਪੀੜਤਾਂ ਨੂੰ ਲਗਭਗ 130 ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ। ਖਪਤਕਾਰ ਸੁਰੱਖਿਆ ਅਧਿਕਾਰੀਆਂ ਨੇ ਚੇਤਾਵਨੀ ਦਿੱਤੀ ਹੈ ਕਿ ਏਆਈ-ਸੰਚਾਲਿਤ ਡੀਪਫੇਕ ਤਕਨਾਲੋਜੀ ਅਜਿਹੀ ਠੱਗੀ ਕਰਨ ਵਾਲੇ ਅਪਰਾਧੀਆਂ ਦੀ ਹੋਰ ਵੀ ਮਦਦ ਕਰ ਰਹੀ ਹੈ ।
