Canada News : ਬੀ.ਸੀ. ਦੇ ਵਿਕਟੋਰੀਆ ਸ਼ਹਿਰ ਦੀ ਪੁਲਿਸ ਵੱਲੋਂ 10 ਹਜ਼ਾਰ ਡਾਲਰ ਦੀ ਜਾਅਲੀ ਕਰੰਸੀ ਸਣੇ ਇਕ ਸ਼ਖਸ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ ਜੋ ਕਿ ਲਵਦੀਪ ਢਿੱਲੋਂ ਦੇ ਨਾਂ ਹੇਠ ਫੇਸਬੁਕ ਮਾਰਕਿਟ ਪਲੇਸ ਤੋਂ ਟ੍ਰੇਡਿੰਗ ਕਾਰਡ ਅਤੇ ਇਲੈਕਟ੍ਰਾਨਿਕਸ ਖਰੀਦਣ ਵਾਸਤੇ ਨਕਲੀ ਨੋਟਾਂ ਦੀ ਕਥਿਤ ਵਰਤੋਂ ਕਰ ਰਿਹਾ ਸੀ। ਵਿਕਟੋਰੀਆ ਪੁਲਿਸ ਨੂੰ 19 ਮਾਰਚ ਨੂੰ ਇਤਲਾਹ ਮਿਲੀ ਸੀ ਕਿ ਇਕ ਸ਼ਖਸ ਨੇ ਫੇਸਬੁਕ ਮਾਰਕਿਟ ਪਲੇਸ ਤੋਂ 15 ਸੌ ਡਾਲਰ ਦੇ ਪੋਕੇਮੌਨ ਕਾਰਡ ਖਰੀਦੇ ਪਰ ਇਸ ਦੇ ਇਵਜ਼ ਵਿਚ ਅਦਾ ਕੀਤੇ ਕਰੰਸੀ ਨੋਟ ਨਕਲੀ ਸਾਬਤ ਹੋਏ। ਕੈਨੇਡਾ ਦੇ ਬ੍ਰਿਟਿਸ਼ ਕੋਲੰਬੀਆ ਸੂਬੇ ਦੀ ਰਾਜਧਾਨੀ ਵਿਕਟੋਰੀਆ ਪੁਲਿਸ ਨੇ ਪੰਜਾਬੀ ਨੌਜਵਾਨ ਲਵਦੀਪ ਢਿੱਲੋਂ ਨੂੰ 10,200 ਕੈਨੇਡੀਅਨ ਨਕਲੀ ਕਰੰਸੀ ਸਮੇਤ ਗ੍ਰਿਫ਼ਤਾਰ ਕੀਤਾ ਹੈ ਜਿਸ ਵਿਚ 100 ਤੋਂ 20 ਡਾਲਰ ਦੇ ਨਕਲੀ ਨੋਟ ਸਨ।
ਇਹ ਵੀ ਪੜ੍ਹੋ : ਨਾਬਾਲਗ਼ਾਂ ਦੇ Social Media ਚਲਾਉਣ ਦਾ ਸਮਾਂ ਤੈਅ, ਮਾਪੇ ਬੱਚਿਆਂ ਦੇ ਅਕਾਊਂਟ ‘ਤੇ ਰੱਖ ਸਕਣਗੇ ਨਜ਼ਰ
ਵਿਕਟੋਰੀਆ ਪੁਲਿਸ ਵੱਲੋਂ 10 ਹਜ਼ਾਰ ਡਾਲਰ ਦੀ ਫਰਜ਼ੀ ਕਰੰਸੀ ਜ਼ਬਤ ਕਰਨ ਦਾ ਦਾਅਵਾ ਇਸੇ ਸ਼ਖਸ ਨੇ ਇਕ ਵਾਰ ਫਿਰ 2700 ਡਾਲਰ ਮੁੱਲ ਦੇ ਪੋਕੇਮੌਨ ਕਾਰਡ ਖਰੀਦਣ ਦਾ ਯਤਨ ਕੀਤਾ ਪਰ ਪੁਲਿਸ ਨੇ ਜਾਲ ਵਿਛਾ ਕੇ 10, 200 ਡਾਲਰ ਦੀ ਜਾਅਲੀ ਕਰੰਸੀ ਸਣੇ ਕਾਬੂ ਕਰ ਲਿਆ। ਵਿਕਟੋਰੀਆ ਪੁਲਿਸ ਦਾ ਮੰਨਣਾ ਹੈ ਕਿ ਜਾਅਲੀ ਕਰੰਸੀ ਵਾਲੇ ਇਸ ਕਾਂਡ ਦੇ ਪੀੜਤਾਂ ਦੀ ਗਿਣਤੀ ਕਾਫ਼ੀ ਜ਼ਿਆਦ ਹੋ ਸਕਦੀ ਹੈ। ਜਾਂਚਕਰਤਾਵਾਂ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇ ਕਿਸੇ ਕੋਲ ਜਾਅਲੀ ਕਰੰਸੀ ਨੋਟ ਪੁੱਜਦੇ ਹਨ ਤਾਂ ਇਸ ਬਾਰੇ ਤੁਰਤ ਪੁਲਿਸ ਨੂੰ ਇਤਲਾਹ ਦਿਤੀ ਜਾਵੇ। ਜੇ ਕੋਈ ਅਤੀਤ ਵਿਚ ਜਾਅਲੀ ਕਰੰਸੀ ਨਾਲ ਠੱਗਿਆ ਜਾ ਚੁੱਕਾ ਹੈ ਤਾਂ ਉਹ 250 995 7654 ’ਤੇ ਸੰਪਰਕ ਕਰ ਸਕਦਾ ਹੈ।
ਇਹ ਵੀ ਪੜ੍ਹੋ : Poilievre ਨੂੰ ਮਿਲਿਆ ਵੱਡਾ ਹੁੰਗਾਰਾ, ਸਾਬਕਾ PM ਸਟੀਫਨ ਹਾਰਪਰ ਨੇ ਪੋਇਲੀਵਰ ਦਾ ਕੀਤਾ ਸਮਰਥਨ
ਪੁਲਿਸ ਵਲੋਂ ਦਿਤੀ ਜਾਣਕਾਰੀ ਅਨੁਸਾਰ ਪੁਲਿਸ ਨੂੰ ਇਕ ਔਰਤ ਨੇ ਸ਼ਿਕਾਇਤ ਕੀਤੀ ਸੀ ਕਿ ਉਸ ਨੇ ਫੇਸਬੁਕ ਦੀ ਮਾਰਕੀਟ ਪਲੇਸ ਰਾਹੀਂ ਲਵਦੀਪ ਢਿੱਲੋਂ ਨੂੰ 1500 ਡਾਲਰ ਦੀ ਕੀਮਤ ਦੇ ਪੋਕੇਮਨ ਕਾਰਡ ਵੇਚੇ ਸਨ ਤੇ ਢਿੱਲੋਂ ਵਲੋਂ ਉਸ ਨੂੰ ਜੋ 1500 ਡਾਲਰ ਦੇ ਨੋਟ ਦਿਤੇ ਗਏ ਉਹ ਨਕਲੀ ਸਨ। 100 ਡਾਲਰ ਦੇ ਸਾਰੇ ਨੋਟਾਂ ’ਤੇ ਇਕੋ ਸੀਰੀਅਲ ਨੰਬਰ ਸੀ। ਇੱਥੇ ਦੱਸ ਦਈਏੇ ਕਿ ਪੁਲਿਸ ਵਲੋਂ ਕਾਬੂ ਕੀਤੇ ਗਏ ਪੰਜਾਬੀ ਨੌਜਵਾਨ ਲਵਦੀਪ ਢਿੱਲੋਂ ਤੋਂ 10 ਹਜ਼ਾਰ 200 ਕੈਨੇਡੀਅਨ ਨਕਲੀ ਕਰੰਸੀ ਵੀ ਬਰਾਮਦ ਹੋਈ ਹੈ, ਅਤੇ ਪੁਲਿਸ ਵਲੋਂ ਲੋਕਾਂ ਨੂੰ ਵੀ ਅਪੀਲ ਕੀਤੀ ਜਾ ਰਹੀ ਹੈ ਕਿ ਜੇਕਰ ਕਿਸੇ ਵਿਸ਼ਕਤੀ ਕੋਲ ਇਸ ਮਾਮਲੇ ਦੀ ਕੋਈ ਵੀ ਜਾਣਕਾਰੀ ਹੈ ਤਾਂ ਉਹ ਸਥਾਨਕ ਪੁਲਿਸ ਦੇ ਨਾਲ ਸਪੰਰਕ ਕਰ ਕੇ ਸਾਰੀ ਜਾਣਕਾਰੀ ਸਾਂਝੀ ਕਰ ਸਦਕੇ ਹਨ। ਤਾਂ ਕਿ ਪੁਲਿਸ ਨੂੰ ਅਗਲੇਰੀ ਜਾਂਚ ਕਰਨ ਦੇ ਲਈ ਸਹਾਇਤਾ ਮਿਲ ਸਕੇ।
