ਕੈਨੇਡਾ ਦੀਆਂ ਸਿਆਸਤ ਕਾਫ਼ੀ ਦਿਲਚਸਪ ਹੁੰਦੀ ਜਾ ਰਹੀ ਹੈ। ਕਿਉਂਕੀ ਕੈਨੇਡੀਅਨ ਸਿਆਸਤ ਦੇ ਵਿੱਚ ਕੈਨੇਡੀਅਨ ਲੀਡਰਾਂ ਤੋਂ ਇਲਾਵਾਂ ਪੰਜਾਬੀ ਮੂਲ ਦੇ ਸਿਆਸਤ ਦਾਨ ਵੀ ਆਪਣੀ ਕਿਸਮਤ ਨੂੰ ਅਜਮਾਉਣ ਜਾ ਰਹੇ ਹਨ। ਇਸੇ ਤਹਿਤ ਹੁਣ ਭਾਰਤ ਦੀ ਲੋਕ ਸਭਾ ਦੇ ਸਾਬਕਾ ਡਿਪਟੀ ਸਪੀਕਰ ਅਤੇ ਅਕਾਲੀ ਦਲ ਦੀ ਸਰਕਾਰ ਸਮੇਂ ਪੰਜਾਬ ਵਿਧਾਨ ਸਭਾ ਦੇ ਸਪੀਕਰ ਰਹੇ ਡਾ. ਚਰਨਜੀਤ ਸਿੰਘ ਅਟਵਾਲ ਦੀ ਕੈਨੇਡਾ ਰਹਿੰਦੀ ਧੀ ਤ੍ਰਿਪਤਜੀਤ ਕੌਰ ‘ਤ੍ਰਿਪਤ’ ਅਟਵਾਲ ਕੈਨੇਡਾ ਦੀ ਕੌਮੀ ਸਿਆਸਤ ਵਿਚ ਕਿਸਮਤ ਅਜਮਾਉਣ ਜਾ ਰਹੀ ਹੈ। ਦਰਅਸਲ ਤ੍ਰਿਪਤਜੀਤ ਕੌਰ ਨੇ ਕੈਨੇਡਾ ਦੀਆਂ ਆਉਂਦੀਆਂ ਸੰਸਦੀ ਚੋਣਾਂ ਲਈ ਬ੍ਰਿਿਟਸ਼ ਕੋਲੰਬੀਆ ਸੂਬੇ ਦੇ ਫਲੀਟਵੁੱਡ-ਪੋਰਟਕੈਲਸ ਸੰਸਦੀ ਹਲਕੇ ਤੋਂ ਕੰਜ਼ਰਵੇਟਿਵ ਪਾਰਟੀ ਦੇ ਉਮੀਦਵਾਰ ਵਜੋਂ ਨਾਮਜ਼ਦਗੀ ਚੋਣ ਲੜਨ ਦਾ ਐਲਾਨ ਕੀਤਾ। ਹਾਂਲਾਕਿ ਜ਼ਿਲ੍ਹਾ ਲੁਧਿਆਣਾ ਦੇ ਰਾੜ੍ਹਾ ਸਾਹਿਬ ਨੇੜਲੇ ਪਿੰਡ ਘਲੋਟੀ ਦੇ ਜੰਮਪਲ ਤੇ ਉੱਘੇ ਟਰਾਂਸਪੋਰਟਰ ਸੁਖਮਿੰਦਰ ਸਿੰਘ ਸੁੱਖ ਪੰਧੀਰ ਤੇ ਮਲੋਟ ਦੇ ਜੰਮਪਲ ਤੇ ਨਾਮਵਰ ਰੀਐਲਟਰ ਕਰਤਾਰ ਸਿੰਘ ਵੀ ਇਸ ਨਾਮਜ਼ਦਗੀ ਚੋਣ ਵਿਚ ਆਪਣੀ ਕਿਸਮਤ ਅਜਮਾ ਰਹੇ ਹਨ। ਆਉਂਦੇ ਕੁਝ ਦਿਨਾਂ ਵਿਚ ਪਤਾ ਲਗ ਜਾਵੇਗਾ ਕਿ ਫਲੀਟਵੁੱਟ-ਪੋਰਟਕੈਲਸ ਸੰਸਦੀ ਹਲਕੇ ਤੋਂ ਕੰਜ਼ਰਵੇਟਿਵ ਪਾਰਟੀ ਦਾ ਉਮੀਦਵਾਰ ਕੌਣ ਹੋਵੇਗਾ।
ਅਮਰੀਕਾ-ਕੈਨੇਡਾ ਵਿਵਾਦ ‘ਤੇ ਜਗਮੀਤ ਸਿੰਘ ਦਾ ਟਰੰਪ ਨੂੰ ਕਰਾਰ ਜਵਾਬ, ਕਿਹਾ- ਵਿਕਾਊ ਨਹੀਂ ਹੈ ਸਾਡਾ ਦੇਸ਼
ਇੱਥੇ ਦੱਸ ਦਈਏ ਕਿ ਤ੍ਰਿਪਤਜੀਤ ਕੌਰ ਲੁਧਿਆਣਾ ਦੇ ਗੌਰਮਿੰਟ ਕਾਲਜ ਫ਼ਾਰ ਵੂਮੈਨ ਤੇ ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਤੋਂ ਉੱਚ ਸਿੱਖਿਆ ਪ੍ਰਾਪਤ ਕਰ ਹੁਣ ਇੰਗਲੈਂਡ ਵਿਚ ਕਾਨੂੰਨ ਦੀ ਪੜ੍ਹਾਈ ਕਰ ਰਹੀ ਹੈ ਤੇ ਇਹ ਉਸ ਦਾ ਆਖ਼ਰੀ ਸਮੈਸਟਰ ਹੈ।
