Australia News : ਆਸਟ੍ਰੇਲੀਆ ਚ ਨਸਲੀ ਹਿੰਸਾ ਤੇ ਸਖਤ ਕਾਨੂੰਨ ਬਣੇ ਹਨ ਪਰ ਫਿਰ ਵੀ ਅਜਿਹੀਆਂ ਘਟਨਾਵਾਂ ਸਾਹਮਣੇ ਆ ਰਹੀਆਂ ਹਨ । ਇੱਕ ਅਜਿਹੇ ਹੀ ਮਾਮਲੇ ਚ ਇੱਕ 31 ਸਾਲਾ ਔਰਤ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ । ਉਸ ‘ਤੇ ਮੈਲਬੌਰਨ ਦੇ ਇੱਕ ਮਾਲ ਵਿੱਚ 2 ਮੁਸਲਿਮ ਔਰਤਾਂ ਤੇ ਹਮਲੇ ਦੇ ਕਈ ਦੋਸ਼ ਲਗਾਏ ਗਏ ਹਨ। ਪੁਲਿਸ ਦਾ ਕਹਿਣਾ ਹੈ ਕਿ ਦੋਸ਼ ਸਿੱਧ ਹੋਣ ਤੇ ਉਸ ਖਿਲਾਫ ਸਖ਼ਤ ਕਾਰਵਾਈ ਕੀਤੀ ਜਾਵੇੁਗੀ। ਆਸਟ੍ਰੇਲੀਆ ਸਰਕਾਰ ਨੇ ਪੂਰੇ ਦੇਸ਼ ਅੰਦਰ ਨਸਲੀ ਹਿੰਸਾ ਨੂੰ ਰੋਕਣ ਸਖ਼ਤ ਕਾਨੂੰਨ ਬਣਾਏ ਹੋਏ ਹਨ ਪਰ ਫਿਰ ਵੀ ਨਸਲੀ ਵਿਤਕਰੇ ਜਾਂ ਨਸਲੀ ਆਧਾਰ ਤੇ ਹਿੰਸਾ ਕਰਨ ਦੇ ਮਾਮਲੇ ਸਾਹਮਣੇ ਆ ਰਹੇ ਹਨ। ਤਾਜ਼ਾ ਮਾਮਲਾ ਮੈਲਬੌਰਨ ਤੋਂ ਸਾਹਮਣੇ ਆਇਆ ਹੈ ।
ਇਹ ਵੀ ਪੜ੍ਹੋ : ਕੈਨੇਡਾ ਇਮੀਗ੍ਰਾਂਟਸ ਨੂੰ ਧੜਾਧਾੜ ਦਵੇਗਾ PR, ਪ੍ਰਵਾਸੀਆਂ ਤੋਂ ਮੰਗੀਆਂ ਅਰਜ਼ੀਆਂ
ਪੁਲਿਸ ਨੇ ਪਾਸਕੋ ਵੇਲ ਦੀ ਇੱਕ 31 ਸਾਲਾ ਔਰਤ ਨੂੰ ਗ੍ਰਿਫ਼ਤਾਰ ਕੀਤਾ ਹੈ । ਜਿਸ’ਤੇ ਪਿਛਲੇ ਹਫ਼ਤੇ ਮੈਲਬੌਰਨ ਦੇ ਉੱਤਰ ਵਿੱਚ ਇੱਕ ਐਪਿੰਗ ਸ਼ਾਪਿੰਗ ਸੈਂਟਰ ਵਿੱਚ ਦੋ ਮੁਸਲਿਮ ਔਰਤਾਂ ‘ਤੇ ਹਮਲਾ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ। ਪਿਛਲੇ ਹਫ਼ਤੇ ਮੈਲਬੌਰਨ ਦੇ ਐਪਿੰਗ ਪੈਸੀਫਿਕ ਸ਼ਾਪਿੰਗ ਸੈਂਟਰ ਵਿੱਚ ਇੱਕ ਤੋਂ ਬਾਅਦ ਇੱਕ ਦੋ ਮੁਸਲਿਮ ਔਰਤਾਂ, ਜਿਨ੍ਹਾਂ ਵਿੱਚੋਂ ਇੱਕ ਗਰਭਵਤੀ ਸੀ, ‘ਤੇ ਇਸ ਔਰਤ ਵੱਲੋਂ ਕਥਿਤ ਤੌਰ ‘ਤੇ ਹਮਲਾ ਕੀਤਾ ਗਿਆ ਸੀ। ਪੁਲਿਸ ਦਾ ਦੋਸ਼ ਹੈ ਕਿ ਔਰਤ ਨੇ ਵੀਰਵਾਰ ਨੂੰ ਹਾਈ ਸਟਰੀਟ ‘ਤੇ ਪੈਸੀਫਿਕ ਐਪਿੰਗ ਸ਼ਾਪਿੰਗ ਸੈਂਟਰ ਵਿੱਚ ਇੱਕ 30 ਸਾਲਾ ਗਰਭਵਤੀ ਔਰਤ ‘ਤੇ ਹਮਲਾ ਕੀਤਾ, ਇਸ ਤੋਂ ਬਾਅਦ 10 ਮਿੰਟ ਬਾਅਦ ਇੱਕ 26 ਸਾਲਾ ਔਰਤ ‘ਤੇ ਹਮਲਾ ਕੀਤਾ। ਇੱਕ ਪੀੜਤਾ ਨੇ ਦੋਸ਼ ਲਗਾਇਆ ਹੈ ਕਿ ਜਦੋਂ ਉਹ ਦੁਪਹਿਰ ਦਾ ਖਾਣਾ ਖਾ ਰਹੀ ਸੀ ਤਾਂ ਉਸਦੀ ਚਾਰ ਸਾਲ ਦੀ ਧੀ ਦੇ ਸਾਹਮਣੇ ਉਸਨੂੰ ਪਿੱਛੇ ਤੋਂ ਫੜ ਲਿਆ ਗਿਆ ਅਤੇ ਉਸਦੇ ਹਿਜਾਬ ਨਾਲ ਉਸਦਾ ਗਲਾ ਘੁੱਟ ਦਿੱਤਾ ਗਿਆ।
ਇਹ ਵੀ ਪੜ੍ਹੋ : ਕੈਨੇਡਾ ਇਮੀਗ੍ਰਾਂਟਸ ਨੂੰ ਧੜਾਧਾੜ ਦਵੇਗਾ PR, ਪ੍ਰਵਾਸੀਆਂ ਤੋਂ ਮੰਗੀਆਂ ਅਰਜ਼ੀਆਂ
ਦੂਜੀ ਔਰਤ ਨੇ ਦੋਸ਼ ਲਗਾਇਆ ਕਿ ਉਸਨੂੰ ਇਸ ਔਰਤ ਨੇ ਮੁੱਕਾ ਮਾਰਿਆ ਗਿਆ, ਥੱਪੜ ਮਾਰਿਆ ਗਿਆ ਅਤੇ ਧੱਕਾ ਦਿੱਤਾ ਗਿਆ, ਪੀੜਤਾਂ ਜੋ ਕਿ ਦੋ ਬੱਚਿਆਂ ਦੀ ਮਾਂ ਹੈ, ਨੇ ਦੱਸਿਆ ਕਿ ਉਹ ਕਰਿਆਨੇ ਦੀ ਖਰੀਦਦਾਰੀ ਕਰ ਰਹੀ ਸੀ ਜਦੋਂ ਕਥਿਤ ਅਪਰਾਧੀ ਨੇ ਉਸਨੂੰ ਥੱਪੜ ਮਾਰਿਆ ਅਤੇ ਜ਼ਮੀਨ ‘ਤੇ ਧੱਕਾ ਦੇ ਦਿੱਤਾ। ਉਸਦੇ ਸਰੀਰ ‘ਤੇ ਝਰੀਟਾਂ ਦੇ ਨਿਸ਼ਾਨ ਸਨ ਅਤੇ ਉਸਨੇ ਕਿਹਾ ਕਿ ਹੁਣ ਉਹ ਘਰੋਂ ਨਿਕਲਣ ਤੋਂ ਬਹੁਤ ਡਰਦੀ ਹੈ। ਔਰਤ ਨੇ ਕਿਹਾ ਕਿ ਉਹ ਇੱਕ ਆਸਟ੍ਰੇਲੀਆਈ ਨਾਗਰਿਕ ਹਾਂ, ਉਸਦਾ ਜਨਮ ਇੱਥੇ ਹੋਇਆ ਸੀ। ਆਪਣੇ ਹੀ ਦੇਸ਼ ਵਿੱਚ ਹਮਲਾ ਹੋਣਾ ਕਿਸੇ ਵੱਡੇ ਝਟਕੇ ਤੋਂ ਘੱਟ ਨਹੀਂ। ਇਸ ਬਾਰੇ ਪੁਲਿਸ ਨੇ ਸ਼ਿਕਾਇਤ ਮਿਲਣ ਤੋਂ ਬਾਅਦ ਕਾਰਵਾਈ ਕੀਤੀ ਤੇ ਇਸ ਔਰਤ ਨੂੰਗ੍ਰਿਫਤਾਰ ਕਰ ਲਿਆ।ਇੱਕ ਪੁਲਿਸ ਬੁਲਾਰੇ ਨੇ ਕਿਹਾ।
ਇਹ ਵੀ ਪੜ੍ਹੋ : ਸੱਚੇ ਪਿਆਰ ਦੀ ਭਾਲ ‘ਚ ਔਰਤ ਹੋਈ ਗਰੀਬ, ਖ਼ਾਤੇ ਵਿਚੋਂ ਉਡੇ ਲੱਖਾਂ ਰੁਪਏ
ਪੁਲਿਸ ਦੋਸ਼ ਲਗਾਏਗੀ ਕਿ ਪੀੜਤਾਂ ਨੂੰ ਸਿਰ ਢੱਕਣ ਕਾਰਨ ਨਿਸ਼ਾਨਾ ਬਣਾਇਆ ਗਿਆ ਸੀ,” ਗ੍ਰਿਫ਼ਤਾਰ ਕੀਤੀ ਗਈ ਔਰਤ ‘ਤੇ ਜਾਣਬੁੱਝ ਕੇ ਅਤੇ ਲਾਪਰਵਾਹੀ ਨਾਲ ਸੱਟ ਪਹੁੰਚਾਉਣ, ਗੈਰ-ਕਾਨੂੰਨੀ ਹਮਲਾ ਕਰਨ ਅਤੇ ਗੰਭੀਰ ਹਮਲੇ ਦੇ ਦੋਸ਼ ਲਗਾਏ ਗਏ ਹਨ।ਉਸਨੂੰ ਅੱਜ ਹੀ ਹਾਈਡਲਬਰਗ ਮੈਜਿਸਟ੍ਰੇਟ ਦੀ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ। ਉਧਰ ਇਹ ਵੀ ਦੱਸਿਆ ਜਾ ਰਿਹਾ ਹੈ ਕਿ ਜਾਂਚਕਰਤਾ ਪੀੜਤਾਂ ਵਿੱਚੋਂ ਇੱਕ ਔਰਤ ਦੇ ਖਿਲਾਫ ਔਨਲਾਈਨ ਧਮਕੀਆਂ ਦੀ ਰਿਪੋਰਟ ਦੀ ਵੀ ਜਾਂਚ ਕਰ ਰਹੇ ਹਨ। ਪੁਲਿਸ ਬੁਲਾਰੇ ਨੇ ਕਿਹਾ, “ਸਾਡੇ ਸਮਾਜ ਵਿੱਚ ਪੱਖਪਾਤੀ, ਨਸਲਵਾਦੀ ਜਾਂ ਨਫ਼ਰਤ-ਅਧਾਰਤ ਵਿਵਹਾਰ ਲਈ ਬਿਲਕੁਲ ਵੀ ਕੋਈ ਥਾਂ ਨਹੀਂ ਹੈ ਅਤੇ ਅਜਿਹੀ ਗਤੀਵਿਧੀ ਨੂੰ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ। ਕਥਿਤ ਹਮਲਿਆਂ ਤੋਂ ਬਾਅਦ, ਮੁਸਲਿਮ ਭਾਈਚਾਰੇ ਦੇ ਆਗੂਆਂ ਨੇ ਆਸਟ੍ਰੇਲੀਆਈ ਸਿਆਸਤਦਾਨਾਂ ਅਤੇ ਅਧਿਕਾਰੀਆਂ ਨੂੰ ਇਸਲਾਮੋਫੋਬੀਆ ਦੇ ਖ਼ਤਰੇ ਦਾ ਮੁਕਾਬਲਾ ਕਰਨ ਲਈ ਹੋਰ ਠੋਸ ਕਦਮ ਚੁੱਕਣ ਦੀ ਅਪੀਲ ਕੀਤੀ ਹੈ।
