America News : ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ (Donald Trump)ਜਦੋਂ ਦੇ ਸੱਤਾ ਦੇ ਵਿਚ ਆਏ ਹਨ ਉਦੋਂ ਤੋਂ ਹੀ ਸਿਆਸਤ (Politics) ਗਰਮਾਈ ਹੋਈ ਹੈ। ਇਸ ਵਿਚਾਲੇ ਟਰੰਪ ਦੀਆਂ ਬਿਆਨਬਾਜ਼ੀਆਂ ਦੇਸ਼ ਵਿਦੇਸ਼ ‘ਚ ਚਰਚਾ ਬਣੀਆਂ ਹੋਈਆਂ ਹਨ। ਦਰਅਸਲ ਡੋਨਾਲਡ ਟਰੰਪ ਦਾ ਵੱਡਾ ਬਿਆਨ ਸਾਹਮਣੇ ਆਇਆ ਹੈ ਜਿਸ ‘ਚ ਟਰੰਪ ਨੇ ਈਰਾਨ ਨੂੰ ਖੁਲ੍ਹੀ ਧਮਕੀ ਦਿਤੀ ਹੈ। ਟਰੰਪ ਨੇ ਕਿਹਾ ਕਿ ਜੇਕਰ ਈਰਾਨ ਨੇ ਉਨ੍ਹਾਂ ਦੇ ਕਤਲ ਦੀ ਕੋਸ਼ਿਸ਼ ਕੀਤੀ ਤਾਂ ਉਹ ਪੂਰੇ ਦੇਸ਼ ਨੂੰ ਤਬਾਹ ਕਰ ਦੇਣਗੇ। ਨਾਲ ਹੀ ਕਿਹਾ ਕਿ ਉਨ੍ਹਾਂ ਨੇ ਅਪਣੇ ਸਲਾਹਕਾਰਾਂ ਨੂੰ ਕਾਰਵਾਈ ਕਰਨ ਦੇ ਨਿਰਦੇਸ਼ ਦੇ ਦਿਤੇ ਹਨ। ਟਰੰਪ ਨੇ ਤਹਿਰਾਨ ’ਤੇ ਵੱਧ ਤੋਂ ਵੱਧ ਦਬਾਅ ਬਣਾਉਣ ਲਈ ਇਕ ਆਦੇਸ਼ ’ਤੇ ਦਸਤਖ਼ਤ ਕੀਤੇ ਹਨ। ਉਨ੍ਹਾਂ ਕਿਹਾ, ‘‘ਜੇ ਉਹ ਅਜਿਹਾ ਕਰਦੇ ਹਨ, ਤਾਂ ਉਹ ਪੂਰੀ ਤਰ੍ਹਾਂ ਤਬਾਹ ਹੋ ਜਾਣਗੇ ਅਤੇ ਇਰਾਨ ਦਾ ਕੁੱਝ ਵੀ ਨਹੀਂ ਬਚੇਗਾ।’’
ਇਹ ਵੀ ਪੜ੍ਹੋ : Justin Bieber ਤੇ ਹੈਲੀ ਬੀਬਰ ਦਾ ਤਲਾਕ!
ਇਹ ਵੀ ਪੜ੍ਹੋ : Amritsar ‘ਚ ਲੈਂਡ ਹੋਇਆ Deport ਕੀਤੇ ਗੈਰ-ਪ੍ਰਵਾਸੀਆਂ ਦਾ ਜਹਾਜ਼
ਮਿਲੀ ਜਾਣਕਾਰੀ ਮੁਤਾਬਕ ਸਾਲ 2020 ’ਚ ਟਰੰਪ ਨੇ ਸਟ੍ਰਾਈਕ ਦੇ ਨਿਰਦੇਸ਼ ਦਿਤੇ ਸਨ, ਜਿਸ ’ਚ ਈਰਾਨ ਦੇ ਇਸਲਾਮਿਕ ਰੈਵੋਲਿਊਸ਼ਨਰੀ ਗਾਰਡ ਕੋਰਪਸ ਦੇ ਨੇਤਾ ਕਾਸਿਮ ਸੁਲੇਮਾਨੀ ਦੀ ਮੌਤ ਹੋ ਗਈ ਸੀ। ਅਧਿਕਾਰੀ ਲੰਮੇ ਸਮੇਂ ਤੋਂ ਟਰੰਪ ਅਤੇ ਹੋਰਾਂ ਵਿਰੁਧ ਈਰਾਨ ਦੀਆਂ ਧਮਕੀਆਂ ’ਤੇ ਨਜ਼ਰ ਰੱਖ ਰਹੇ ਹਨ। ਪੈਨਸਿਲਵੇਨੀਆ ’ਚ ਰੈਲੀ ਤੋਂ ਪਹਿਲਾਂ ਈਰਾਨ ਦੀ ਧਮਕੀ ਕਾਰਨ ਟਰੰਪ ਦੀ ਸੁਰੱਖਿਆ ਵਧਾ ਦਿਤੀ ਗਈ ਸੀ। ਉਸ ਰੈਲੀ ਵਿਚ ਟਰੰਪ ਦੇ ਕੰਨ ਵਿਚ ਗੋਲੀ ਲੱਗੀ ਸੀ। ਹਾਲਾਂਕਿ, ਅਧਿਕਾਰੀਆਂ ਨੇ ਉਦੋਂ ਇਹ ਵੀ ਕਿਹਾ ਕਿ ਉਹ ਨਹੀਂ ਮੰਨਦੇ ਕਿ ਇਸ ਕਤਲ ਦੀ ਕੋਸ਼ਿਸ਼ ਵਿਚ ਈਰਾਨ ਦਾ ਹੱਥ ਹੈ। ਨਵੰਬਰ ਵਿਚ ਵੀ ਨਿਆਂ ਵਿਭਾਗ ਨੇ ਐਲਾਨ ਕੀਤਾ ਸੀ ਕਿ ਉਸ ਨੇ ਰਾਸ਼ਟਰਪਤੀ ਚੋਣ ਤੋਂ ਪਹਿਲਾਂ ਟਰੰਪ ਦੀ ਹਤਿਆ ਦੀ ਈਰਾਨ ਦੀ ਸਾਜ਼ਸ਼ ਨੂੰ ਨਾਕਾਮ ਕਰ ਦਿਤਾ ਸੀ। ਦਰਸਲ, ਵਿਭਾਗ ਨੇ ਈਰਾਨੀ ਅਧਿਕਾਰੀਆਂ ’ਤੇ 51 ਸਾਲਾ ਫ਼ਰਹਾਦ ਸ਼ਾਕੇਰੀ ਨੂੰ ਸਤੰਬਰ ’ਚ ਟਰੰਪ ਦੀ ਨਿਗਰਾਨੀ ਕਰਨ ਅਤੇ ਉਨ੍ਹਾਂ ਦਾ ਕਤਲ ਕਰਨ ਦੇ ਨਿਰਦੇਸ਼ ਦਿਤੇ ਸਨ। ਉਦੋਂ ਈਰਾਨੀ ਅਧਿਕਾਰੀਆਂ ਨੇ ਇਨ੍ਹਾਂ ਦੋਸ਼ਾਂ ਨੂੰ ਖ਼ਾਰਜ ਕਰ ਦਿਤਾ ਸੀ। ਵਿਦੇਸ਼ ਬੁਲਾਰੇ ਇਸਮਾਈਲ ਬਾਧੀ ਨੇ ਦਾਅਵਾ ਕੀਤਾ ਸੀ ਕਿ ਇਹ ਇਜ਼ਰਾਈਲ ਨਾਲ ਜੁੜੇ ਸਮੂਹ ਦੀ ਸਾਜ਼ਸ਼ ਸੀ, ਤਾਕਿ ਈਰਾਨ ਅਤੇ ਅਮਰੀਕਾ ਦੇ ਸਬੰਧਾਂ ਨੂੰ ਪ੍ਰਭਾਵਤ ਕੀਤਾ ਜਾ ਸਕੇ।
